തിങ്കെഴ്സ് ഫോറം - മഹാത്മാ ഗ്രന്ഥശാല, തൃപ്പൂണിത്തുറ

ഫെബ്രുവരി 20 ഞായറാഴ്ച വൈകിട്ട് 5 മണിയ്ക്ക്

മഹാത്മാ ഗ്രന്ഥശാല ഹാളില്‍ 

ചര്‍ച്ചാസായാഹ്നം

വിഷയം: വിശ്വാസവും സമൂഹവും

അവതരണം : യു. കലാനാഥന്‍

പ്രസിഡന്റ്, കേരള യുക്തിവാദി സംഘം

മനുഷ്യനോളം പഴക്കമുണ്ട് വിശ്വാസത്തിനും. തന്നില്‍ തന്നെയുള്ള വിശ്വാസമാണ് മനുഷ്യനെ ആധുനികനാക്കിയത്. ശാസ്ത്ര സത്യങ്ങളില്‍ വിശ്വാസമില്ലായിരുന്നു എങ്കില്‍ മനുഷ്യന്‍ ആഴിയുടെ ആഴങ്ങളിലെയ്ക്കും ചന്ദ്രനിലേക്കും കുതിയ്ക്കുകയില്ലായിരുന്നു. വിശ്വാസത്തിനു ശാസ്ത്രീയമായ പിന്‍ബലം വേണമെന്നത് ആധുനികമായ കാഴ്ചപ്പാടാണ്. പരിമിത സാഹചര്യങ്ങളില്‍ ശാസ്ത്രീയമായി തെളിയിക്കുവാന്‍ കഴിയാത്തിടത്തു യുക്തിയാണ് പ്രധാന ആയുധം. യുക്തിഭദ്രമല്ലാത്ത വിശ്വാസം അന്ധവിശ്വാസമാണ്. ശാസ്ത്രം ഏറ്റവുമധികം പ്രചരിപ്പിയ്ക്കപ്പെടുന്ന, ഉപയോഗപ്പെടുത്തുന്ന, ഇക്കാലത്ത് അന്ധവിശ്വാസവും വര്‍ദ്ധിയ്ക്കുന്നു എന്നത് ഒരു വിരോധാഭാസമാണ്. കേവലം വ്യക്തിസ്വാതന്ത്ര്യതിനപ്പുറത്തു സമൂഹപുരോഗതിയെ പിന്നോട്ടടിപ്പിയ്ക്കുന്ന ഒന്നായി വിശ്വാസവും അന്ധവിശ്വാസവും മാറുമ്പോള്‍ നമുക്ക് നിശബ്ദരായിരിയ്ക്കാന്‍ കഴിയുമോ?

മഹാത്മാ സാഹിത്യ സമിതി, മഹാത്മാ ഗ്രന്ഥശാല, തൃപ്പൂണിതുറ

2011 ഫെബ്രുവരി 12 ശനിയാഴ്ച വൈകിട്ട് 5 മണിയ്ക്ക്

മഹാത്മാ ഗ്രന്ഥശാല ഹാളില്‍

പുസ്തക സന്ധ്യ

1. ദൂരക്കാഴ്ചകള്‍ --- ഡോ. കെ . ജി. പൗലോസ്
പ്രകാശനം : പ്രൊഫ. എം. കെ. സാനു
സ്വീകരണം : എം. ഗോപിനാഥന്‍ നായര്‍

ചരിത്രവും ഐതിഹ്യവും സാഹിത്യവും സംഗീതവും ഇടകലര്‍ന്ന് നില്‍ക്കുന്ന യാത്രാ ഗ്രന്ഥം. അല്‍ബേര്‍ കമ്യുവും സിസിഫസും നാരാണത്തുഭ്രാന്തനും നോത്രദാം പള്ളിയും മോണ ലിസയുടെ പുഞ്ചിരിയും പാരീസ് മ്യുസിയവും ഒക്കെ നമുക്ക് മുന്നില്‍ അറിവും ആത്മാവും ആയി പ്രത്യക്ഷപ്പെടുന്നു

2. കലുഷം --- വി. ആര്‍ . രാമകൃഷ്ണന്‍
പ്രകാശനം: കുരീപ്പുഴ ശ്രീകുമാര്‍
സ്വീകരണം : ഡോ. കെ . ജി. പൗലോസ്

കേരളീയ ഗ്രാമീണ മനസ്സില്‍ നിന്നും ഒഴുകി എത്തുന്ന സൂചകങ്ങളും ചിഹ്നങ്ങളും ഈണങ്ങളും പ്രാചീന കാവ്യ സംസ്കാരവുമാണ്‌ ഈ രചനകളുടെ ഭാവതലത്തില്‍ .

തുടര്‍ന്ന്

കാവ്യചര്‍ച്ച -- ഡോ . പ്രസന്ന രാജന്‍ , വേണു വി. ദേശം

കാവ്യാലാപനം : ശെല്‍വരാജ്

ജനുവരിയുടെ ഓര്‍മ്മ -- സ്മൃതിവന്ദന സായാഹ്നം

                                                                

2011 ജനുവരി 23 ഞായറാഴ്ച 5 മണിയ്ക്ക് തൃപ്പൂണിതുറ മഹാത്മാ ഗ്രന്ഥശാലയില്‍

പലപ്പോഴായി നമ്മെ വിട്ടു പിരിഞ്ഞ സുമനസ്സുകളായ പ്രതിഭാ സാന്നിധ്യങ്ങളുടെ സ്മരണയ്ക്ക് അഞ്ജലികള്‍ അര്‍പ്പിയ്ക്കുവാനും അവരുടെ ചൈതന്യ ദീപ്തമായ സംഭാവനകളെ അടയാളപ്പെടുത്തുവാനുമായ് 'സ്മൃതിധാരയുടെ'(ശ്രീ.ജോണ്‍ പോള്‍ ) സഹായത്തോടെ തൃപ്പൂണിതുറ മഹാത്മാ ലൈബ്രറി വേദിയൊരുക്കുന്നു.

പ്രേംനസീറിന്റെ ഓര്‍മ്മയ്ക്ക്‌ സംവിധായകന്‍ മോഹനും

കൊടുങ്ങല്ലൂര്‍ കുഞ്ഞിക്കുട്ടന്‍ തമ്പുരാന്റെ ഓര്‍മ്മയ്ക്ക്‌ ഡോ. കെ. ജി. പൌലോസും

എം. ഗോവിന്ദന്റെ ഓര്‍മ്മയ്ക്ക്‌ പ്രൊഫ. തോമസ്‌ മാത്യുവും

ജി. ശങ്കരപ്പിള്ളയുടെ ഓര്‍മ്മയ്ക്ക്‌ ടി.എം അബ്രഹാമും

ഭരത് ഗോപിയുടെ ഓര്‍മ്മയ്ക്ക്‌ പ്രൊഫ. എ ചന്ദ്രദാസനും

കലാമണ്ഡലം ഹൈദരാലിയുടെ ഓര്‍മ്മയ്ക്ക്‌ ഫാക്റ്റ് പദ്മനാഭനും

വി. കെ. എന്റെ. ഓര്‍മ്മയ്ക്ക്‌ പ്രൊഫ. സി. ആര്‍ . ഓമനക്കുട്ടനും

പി. പദ്മരാജന്റെ ഓര്‍മ്മയ്ക്ക്‌ ജോണ്‍ പോളും

വാക്കുകള്‍ കൊണ്ട് പ്രണാമം അര്‍പ്പിയ്ക്കുന്നു

അധ്യക്ഷന്‍ :ശ്രീ. എഴാച്ചേരി രാമചന്ദ്രന്‍

ഏകോപനം: ശ്രീ. ജോണ്‍ പോള്‍

തുടര്‍ന്ന് കലാമണ്ഡലം ഹൈദരാലിയെക്കുറിച്ചുള്ള ഡോക്യുമെന്ററി പ്രദര്‍ശിപ്പിയ്ക്കുന്നു

കേരള സാഹിത്യ അക്കാദമി അവാര്‍ഡ്

ചെറു കഥയ്ക്ക്‌ കേരള സാഹിത്യ അക്കാദമി അവാര്‍ഡ് നേടിയ ശ്രീ. ഇ. പി. ശ്രീകുമാറിന് ( മുന്‍ പ്രസിഡന്റ്, മഹാത്മാ ലൈബ്രറി, തൃപ്പൂണിതുറ) മഹാത്മാ ലൈബ്രറിയുടെ അഭിനന്ദനങ്ങള്‍